Kvitsøy fyrstasjon

Kvitsøy fyrstasjon er eit fyr som ligg på Kvitsøy. Fyret har ei historie som går tilbake til år 1700, då Henrich Petersen sette på ei vippefyr i Ydstebøhamn. Fyret bestod av ei mast som hadde påmontert ei tverrvippe. I enden av denne var det festa ei «eldpanne» som vart fylt med kol og heist 6 meter over bakken. Ein modell av vippefyret står i dag like i nærleiken av det noverande fyrtårnet.

Plasseringa til Kvitsøy fyrstasjon

Kvitsøy fyrstasjon

Fylke	Rogaland
Kommune	Kvitsøy
Funksjon	Kystfyr
Oppretta	1700
Koordinatar	59°03.7222′N 5°24.0075′E
Fyrtårn
Høgd	27
Form	Kvitt tårn
Byggjemateriale	Stein
Fyrlys
Lyskarakter	Fire glimt kvart 40. sekund
Lyshøgd	45,2 moh.
Lysvidde	18,5 nm
Status
Eigar	Staten ved Kystverket
Automatisert	1969
Avfolka	1969
Vernestatus	Freda etter lov om kulturminne
Kvitsøy fyrstasjon 59.06194444°N 5.4°E / 59.06194444; 5.4

I 1829 vart vippefyret erstatta med eit 18 m høgt sekskanta fyrtårn med kolbluss på toppen. I 1859 vart tårnet gjort 7 m høgare og utstyrt med oljefyrt fyrbluss samt eit linsesystem. Toppen av fyret er no 45 m over havflata. Fyret har 2. ordens lysblinkapparat frå 1910 då lyktehuset vart fornya. I 1938 vart fyret elektrifisert, og i 1969 automatisert og avfolka. Fyret er i dag freda etter lov om kulturminne. Det går ein tursti opp til fyret og vidare ut til havet i vest.

Fyrtårnet er i dag det eldste steintårnet i landet som framleis er i bruk.

Sjå òg

• Fyr i Noreg
• Fyrstasjonar i drift i Noreg

Kjelder

• «Norsk fyrliste 2008» (PDF). Kystverket.
• «Kvitsøy fyrstasjon». Norsk Fyrhistorisk Forening.

Bakgrunnsstoff

• Kvitsøy fyrstasjon i kulturminnesok.no, nettstaden til Riksantikvaren