Leiv Eiriksson

Leiv Eiriksson eller Leiv den hepne (islandsk Leifur Eiríksson) var ein norrøn oppdagar fødd om lag 975 på Island, og døydde om lag 1020.

Leiv Eiriksson
Statsborgarskap	Den islandske fristat
Fødd	ca. 972 Den islandske fristat, EiríksstaðIr
Død	ca. 1020 Brattahlíð, Grønland
Yrke	oppdagar, sjøfarer, krigar
Språk	norrønt
Religion	katolisisme, Norrøn religion
Far	Eirik Raude
Mor	Þjóðhildr Jörundardóttir
Leiv Eiriksson på Commons

Leiv Eiriksson oppdager Amerika. Måleri av Christian Krohg frå 1893.

Bakgrunn

Leiv var ein viking, oppvaksen på garden Brattalid i Eiriksfjord på Grønland. Han var son av Eirik Raude, som var son av Thorvald Asvaldsson. Mora var Thjodhild. Eirik Raude er rekna å koma frå Jæren i Rogaland fylke.

Frå Brattalid reiste Leiv sørover til nordspissen av Newfoundland som han kalla Vinland. Ein reknar 9. oktober 1000 som tidspunktet for denne oppdaginga. Der bygde han hus (Leivsbuene) og overvintra. Han reiste fleire gonger nedover for å overvintra.

Bjarne Herjolvsson skal ha oppdaga land vest for Grønland allereie om lag 986, men gjekk ikkje i land, og gav heller ikkje namn korkje til Markland, Vinland, eller Helluland. Leif Eiriksson fikk kjøpt båten han dro med av Bjarne Herjulfsson.

I alle høve kom båe to mykje før Christopher Columbus til den verdsdelen som seinare vart kalla Amerika.

I 1960 fann Helge Ingstad att Leivsbuene på L'Anse aux Meadows i Canada.

Bakgrunnsstoff

Commons har multimedium som gjeld: Leiv Eiriksson

• Eiríks saga rauða frå www.heimskringla.no
• Grænlendinga saga frå www.heimskringla.no
• Reportret: Leif Ericsson. Eit «rekonstruert portrett» av Leiv Eiriksson av Marco Bakker.