Leni Kaurin

Leni Larsen Kaurin (fødd 21. mars 1981) er ein norsk tidlegare fotballspelar frå Ålesund som vann EM-sølv med Noreg i 2013. Ho var elles med å vinne tre NM-gull med Asker SK/Stabæk IF og har vorte seriemeister både i Tyskland og i Noreg.

Leni Kaurin
Leni Kaurin i 2012
Statsborgarskap	Noreg
Fødd	21. mars 1981 (44 år) Ålesund kommune
Yrke	fotballspelar
Høgd	1,66±0,001 meter
Leni Kaurin på Commons

Aktiv

Kaurin spelte på Fortuna Ålesund i 1998 og til sommaren 1999. Ho melde då overgang til topplaget Asker SK og var aktiv i klubben til 2007, bortsett frå 2004-sesongen då ho spelte på Team Strømmen. Hausten 2007 flytta ho til tyske Turbine Potsdam og vart vinnar av Bundesliga i 2009. Våren 2010 spelte ho nokre kampar på FFC Frankfurt før ho avslutta opphaldet i Tyskland med to sesongar i VfL Wolfsburg. Sommaren 2012 vende ho tilbake til Stabæk IF (Asker SK). Ved sesongslutt i 2013 braut ho med klubben, grunna ein konflikt med trenaren.

Åra 2003-13 deltok Kaurin i 95 landskampar for Noreg og skåra fem mål. Ho var innbytar då Noreg tapte EM-finalen 2013 mot Tyskland med 0-1.

Merittar

• EM-sølv: 2013
• Noregsmeister: 2000, 2005 og 2012 med Asker SK/Stabæk IF
• Tysk seriemeister: 2009 med Turbine Potsdam
• Norsk seriemeister: 2013 med Stabæk IF

Kjelder

• Denne artikkelen bygger på «Leni Larsen Kaurin» frå Wikipedia på tysk, den 18. juli 2017.