Liten husedderkopp

Liten husedderkopp (Tegenaria domestica) er ein edderkopp som tilhøyrer familien traktedderkoppar.

Liten husedderkopp
Liten husedderkopp-hann
Liten husedderkopp-hoe
Utbreiing
Utbreiinga av liten husedderkopp
Systematikk
Rike:	Dyr Animalia
Rekkje:	Leddyr Arthropoda
Underrekkje:	Chelicerata
Klasse:	Edderkoppdyr Arachnida
Orden:	Edderkoppar Araneae
Familie:	Traktedderkoppar Agelenidae
Slekt:	Tegenaria
Art:	Liten husedderkopp T. domestica
Vitskapleg namn
Tegenaria domestica Clerck, 1757

Utsjånad

Kroppen til hoa er 9–10 mm lang, medan kroppen til hannen er 6–9 mm og noko smalare enn den til hoa. Kroppen er tett dekt av korte hår. Han er lyst gulbrunleg med nokre mørkare flekker. Beina er lange og slanke.

Arten er nært i slekt med den noko større og ofte vanlegare store husedderkoppen, men kan skiljast frå denne ved å ha mørkare ringar på beina.

Ho av husedderkopp Tegenaria domestica har sikksakkmønster på bakkroppen og svake mørkare ringjer på beina. Dette er ei ho.

Foto: Magne Flåten

Ho av husedderkopp Tegenaria domestica med lange spinnvorter.

Foto: Magne Flåten

Levesett

Liten husedderkopp lever i hus og finst over heile verda. Han spinn tette nett som endar i ei trakt. Edderkoppen føretrekkjer litt mørke stader, som krokar, bak gjenstandar og oppunder tak. Hoa kan klara seg utan mat og drikke i fleire månader. Husedderkoppen er heilt ufarleg for menneske, og stikk seg raskt bort om han blir forstyrra.