Lonarkjempun - Wikiwand

Lonarkjempun er namnet på ein slått frå Telemark som finst i fleire variantar. Attåt Telemarksformene er det og registrert to form frå Voss, skriven ned etter Ola Mosafinn, som hadde ei form etter Isak Rokne. I hardingfeleverket er det skrive ned åtte variantar av slåtten. Fire av desse er frå Telemark, og tre frå Bø i Telemark. Slåtten er truleg komen til Telemark med Knut Lurås.

Lonar er namnet på ein gard i Sauland, og Lonarkjempun er eit namn som følgde kjempekarane som kom frå den garden. Det er mogleg slåtten er bygd ut av Lars Fykerud. Forma etter Olav R. Berge kunne tyde på at slåtten og har vore spela av Myllarguten, og dette, saman med namnet, tyder på at slåtten har kjerneområdet sitt aust i Telemark.

Variantgruppa

Slåtten er katalogisert under fleire numre:

Nr 115:

a: Fuglakongen, etter Ola Mosafinn, Voss. Nedskrift Arne Bjørndal 1908 (Bjørndal Nye slåttar 33). "Fuglakongen" var ein mann som budde på Voss på 1830-talet. Han var god til å tralle slåttar, og Mossafinn lærte slåtten av han då han berre var sju år gamal.

b: Luråshalling, etter Kjetil Løndal, Tuddal. Nedskrift Eivind Groven 1957 (G 1029)

nr 145:

a: Vossarull, etter Ola Mosafinn, Voss Arkivert 2008-04-10 ved Wayback Machine.. Nedskrift Arne Bjørndal 1908 (Bjørndal Gamle slåttar band IV, nr 9). Mosafinn hadde slåtten etter Isak Rokne. Slåtten er ikkje mykje nytta i dag.

b: Lonarkjempun, etter Olav R. Berge, Rauland ^{[daud lenkje]}. Nedskrift Eivind Groven 1919 (G 1049).

c: Lonarkjempun, etter Torkjell Haugerud ^{[daud lenkje]}. Nedskrift Eivind Groven 1957 etter opptak i NRK (G 1075). Forma er heller stor.

d: Lonarkjempun, etter Olav Evju, Nes i Telemark ^{[daud lenkje]}. Nedskrift Truls Ørpen 1935 (Ø 193). Evju hadde slåtten etter Gregar Kåsin, Bø i Telemark. Denne forma har ei rekkje vandretak frå andre slåttar, og kjem inn på Sevliden, Ligangaren og Bekkjinguten.

Halling (gangar) etter Jon Eivindsson Kåsa, etter Torkjell Haugerud ^{[daud lenkje]}. Nedskrift Truls Ørpen 1950 (Ø 329). Kåsa var frå Bø i Telemark, og hadde slåtten etter spelemannen Augund Askildt frå Bø. Nærskyldt form d, og sveipar innom dei same vandretaka frå dei same slåttane.

Supplementsform:

Nr 200, Gangar etter Knut Lurås, etter Johannes Dale, Tinn ^{[daud lenkje]}. Nedskrift Eivind Groven 1970 (G 1874).