Lunga i Treshnish Isles

Lunga er den største øya i Treshnish Isles i Indre Hebridane i Skottland.

Lunga Lokalt namn Lungaigh
Geografi
Stad	Atlanterhavet
Koordinatar	56.49°N 6.42°W / 56.49; -6.42
Øygruppe	Indre Hebridane
Areal	0,81 km²
Høgaste punkt	Cruachan (103 moh.)
Administrasjon
Land	Skottland
Region	Argyll and Bute
Demografi
Folketal	0

Ho har vulkansk opphav og er skildra som «ein grøn juvel i ein påfuglgrøn sjø».^[1] Ho var folkesett fram til 1800-talet og ein kan framleis sjå restar etter svarte hus. Nordaust på øya ligg ruinane av ein landsby, som vart fråreist i 1857.^[2]

Dyreliv

Lundefugl på Lunga.

Lunga har status som Site of Special Scientific Interest (stad av særskild vitskapleg interesse) på grunn av det rike plantelivet. Her finst mange sjeldne og utryddingstrua planter, som kusymrer, tiriltunge, orkidéar, strandsmelle, strandnellikar, sverdliljer, tepperot og hagegeiteskjegg.^[1] Det finst gråsel i farvatnet rundt øya, og av fuglar finn ein havsvale, krykkje og havlire. Teist, lundefugl og alke hekkar på Lunga og på Harp Rock, ein staur som står like ved øya.Kvitkinngås dukkar opp på øya kvar vinter.^[1]