Blålusern

Blålusern (Medicago sativa) er ei fleirårig urt i erteblomsterfamilien. Det finst seks underartar.^[1]

Blålusern
Blålusern
Status
Status i verda: Livskraftig
Systematikk
Rike:	Planteriket Plantae
Underrekkje:	Frøplantar Spermatophytes
Orden:	Erteblomordenen Fabales
Familie:	Erteblomfamilien Fabaceae
Underfamilie:	Faboideae
Stamme:	Trifolieae
Slekt:	Medicago
Art:	Blålusern M. sativa
Vitskapleg namn
Medicago sativa L., 1753

Blålusern er også kjend under det engelske namnet alfalfa.^[2] Blålusern blir dyrka i stort omfang, særleg i Nord-Amerika, på grunn av nytten som fôr til dyr. I Noreg har ein dyrka blålusern tidlegare, men i dag blir det lite dyrka. Blålusern finst derfor forvilla her og der. Dyrking av blålusern krev djup, god jord med høg pH for å trivast.

Blålusern, og dei fleste artane i erteblomsterfamilien, lever i eit symbiotisk forhold til rhizobiumbakterien som lever på rota og fikserer nitrogen frå lufta (biologisk nitrogenfiksering).

Spirer av blålusern er etande (alfalfaspirer) og har ein nøtteaktig smak.