Lydtrykk

Lydtrykk er små variasjonar i lufttrykket skapt av lydbølgjer. Bølgjene skapar små fortettingar og fortynningar av lufta opptil mange gonger i sekundet, slik at lufttrykket vil veksle mellom litt over og litt under atmosfæretrykket. Det er desse trykkvariasjonane som set trommehinna i øyra i svingingar. Ved særs sterk lyd er lydtrykket 1/10 000 av atmosfæretrykket, og den svakaste høyrbare lyden er 1/10 000 000 000 av atmosfæretrykket. SI-eininga for lydtrykk er Pa.

Lydtrykknivå

I staden for absolutt lydtrykk nyttar ein ofte lydtrykknivå, definert som

${\displaystyle L_{p}=20\log _{10}{\bigg (}{\frac {p}{p_{ref}}}{\bigg )}}$,

der ${\displaystyle p_{ref}=20}$ μPa, som er det minste lydtrykknivået ein gjennomsnittsperson oppfattar.

Døme på lydtrykknivå

Tabellen gjev omtrentlege verdiar for forskjellige lydkjelder

Lydkjelde	Lydtrykknivå (dB)	Merknad
Tett på jetmotor	180
Jetmotor i einavstand på 50 m	150
Tett på kraftig handvåpen	140
Smerteterskel	130	smertefullt; høyrselskadar etter kort tids påverknad
Småfly	120
1 m frå trykkluftbor	100	høyrsleskadar etter lengre tids påverknad
Sterk trafikk, symjehall	80
Normal samtale	60
Bakgrunnsstøy i kontorlandskap	50
Kviskring	30
Bakgrunnstøy i lyddaudt rom	10
Høyreterskel	0

Bibliografi

• Howard, D.M. og Angus, J., Acoustics and psychoacoustics, 3. utg., Focal Presss, 1996.