Ljosekrone

Ei ljosekrone er ein dekorativ, takmontert armatur med to eller fleire armar med haldarar for ljoskjelder. Ljoskjeldene kan vera levande ljos eller elektriske ljospærer. Ljosekroner er ofte ornamentale, og kan ha dusinvis av ljoskjelder. Nokre ljosekroner har òg glasprisme som gnistrar og bidreg til å spreia ljoset. Best gnistre-effekt får ein ved bruk av glas med høg brytningsindeks, som krystallglas.

Ljosekrone frå tidleg 1800-tal i Det grøne rommet i Det kvite huset.

Den største ljosekrona i verda godkjent av Guinness rekordbok finst i moskeen Hassan Sharbatley i Kairo.