Mørk energi

I kosmologi er mørk energi ei hypotetisk form for energi som gjennomsyrer alt rom og bidrar til å auke ekspansjonsraten i universet.^[1] Hypotesen om mørk energi er den mest brukte måten å forklare nyare observasjonar som tyder på at universet utvidar seg raskare og raskare. I den kosmologiske standardmodellen utgjer mørk energi rundt 74 % av all masse/energi, eller 74 % av universets "innhald". Mørk materie utgjer 22% mens 4% er vanleg materie.