Maisons-Alfort

Maisons-Alfort er ein kommune i dei søraustlege forstadane til Paris i Frankrike. Han ligg 8,4 km frå Paris sentrum, men har eigen bystatus og om lag 55 000 innbyggjarar.

Maisons-Alfort
Land Region Departement	Frankrike Île-de-France Val-de-Marne
Flatevidd	5,35 km²
Flatevidd  - By	5,35 km²
Innbyggjarar  • By (2005)    - folketettleik	53 900   10 075/km²
Koordinatar	48°48′21″N 02°26′27″E
Nettstad: www.maisons-alfort.fr

Maisons-Alfort er kjend for Den nasjonale veterinærskulen i Alfort, veterinærskulen med best rykte i Frankrike. Fort de Charenton vart konstruert mellom 1841 og 1845 og har sidan 1959 husa Commandement des Écoles de la Gendarmerie Nationale.

Namn

Opphavleg var Maisons-Alfort berre kalla Maisons. Namnet Maisons kjem frå det mellomalderlatinske ordet Mansiones, som tyder «husa».

Då kommunane vart oppretta under den franske revolusjonen vart namnet til grenda Alfort tatt med i lag med Maisons for den nye kommunen. Namnet Alfort kjem frå godset som vart bygd her av Peter av Aigueblanche, biskopen av Hereford (England), på midten av 1200-talet. Namnet på dette Godset av Hereford endra seg etter kvart til Harefort, så Hallefort og til slutt Alfort.

Historie

1. april 1885 vart 40 % av områda i Maisons-Alfort ein del av kommunen Alfortville.

Bakgrunnsstoff