Malmö Arena

Malmö Arena ein innandørs fleirbruksarena i Malmö i Sverige, og heimearena til ishockeylaget Malmö Redhawks.^[1] I tillegg til å arrangere kampane til Malmö Redhawks, vert arenaen òg nytta til handball, innebandy, konsertar og andre hendingar. Han har òg arrangert innandørs friidrett. Arenaen er eigd av Parkfast og designa av Mats Matson frå MM Matsson Konsult, Hannu Helkiö frå Pöyry Architects og Gert Wingårdh frå Wingårdh arkitektkontor.^[2] Namneretten til arenaen tilhøyrer Malmö kommun i ein tiårskontrakt skipa i 2007.^[3]

Malmö Arena
Offisielt namn	Malmö Arena
Adresse	Arenagatan 15 215 32 Malmö
Stad	Malmö i Sverige
Eigar	Parkfast Arena AB
Arkitekt	MM Matsson Konsult AB, Pöyry Architects og Wingårdh arkitektkontor
Påbegynt	10. januar 2007
Opna	6. november 2008
Drift	Parkfast Arena AB
Brukarar	Malmö Redhawks
Kapasitet	Idrett 13 000 Konsertar 15 000
Stil	Neomodern architecture
Hendingar	* Heimekampane til Malmö Redhawks VM i handball for menn 2011 Eurovision Song Contest 2013
Malmö Arena 55.565278°N 12.976111°E / 55.565278; 12.976111

Med ein kapasitet på 13 000 for idrettsarrangement og 15 000 for konsertar er Malmö Arena den nest største innandørsarenaen i Sverige, etter Globen i Stockholm.^[2] Rekorden for størst publikum på ein konsert er 11 300, då Lady Gaga heldt konsert 19. november 2010.^[4] På ein ishockeykamp er rekorden 13 247, då Malmö Redhawks spelte mot Leksands IF 12. november 2008.^[5] Bygginga av arenaen starta 10. januar 2007, og han opna 6. november 2008. Arenaen kosta 750 millionar svenske kroner.^[6] Han ligg om lag 80 meter frå Hyllie station, der det går jarnbane og buss til Malmö centralstation, København lufthamn, Kastrup og Københavns Hovedbanegård.^[2]

Malmö Arena arrangerte Eurovision Song Contest 2013 14., 16. og 18. mai 2013.^[7]