Malm i Verran
From Wikipedia, the free encyclopedia
Remove ads
Malm er ein tettstad i Steinkjer kommune i Trøndelag med 1 163 innbyggjarar per 1. januar 2024. Staden var kommunesenter i tidlegare Verran kommune.
Malm ligg på nordsida av Beitstadsundet, ein arm av Beitstadfjorden som igjen er ein arm av Trondheimsfjorden. Frå Malm er det om lag 30 km. til Steinkjer og rundt 150 km til Trondheim. Tettstaden er i dag prega av fråflytting etter at Fosdalens Bergverk blei lagt ned.
Før 1906 var Malm ei typisk jordbruksbygd. Frå 1906 til 1997 dreiv Fosdalens Bergverk gruvedrift på staden. Hovudnæringa i dag er småindustri og jordbruk.
Malm er kjend for Malm Trekkspellklubb, som har fleire NM-gull i trekkspel, seinast under NM i Bøde i 2006. I 2006 hadde Malm hundreårsjubileum, og det blei avduka ei byste av den lokale revyartisten, songskrivaren og tidlegare rektoren ved Malm skole, Mikael Høyem.
På Malm ligg Malm kyrkje frå 1885.
Remove ads
Wikiwand - on
Seamless Wikipedia browsing. On steroids.
Remove ads