Marsfiol

Marsfiol (Viola odoráta) er ein plante i fiolslekta som blir opp til 7 cm. høg. Han blømer om våren med store mørkblå blomstrar som luktar godt. Blad og blomsterskaft dannar ein rosett ved bakken. Han har òg små blad på blomsterskaftet. Seinare kjem det blomstrar som ikkje opnar seg, men sjølvpollinerar. Desse har korte skaft og bøyer seg mot marka. Fruktene på desse blir modna på eller i molda. Plantar som har to slags frukt, på marka og i lufta, blir kalla amfikarpe. Eit anna døme er gaukesyre. Frøa til marsfiolen blir spreidde av maur. Planta formeirar seg også vegetativt med lange tæger, og kan danne store koloniar.

Marsfiol
Marsfiol
Status
Status i Noreg: Framandart som ikkje er risikovurdert
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Vierordenen Malpighiales
Familie:	Fiolfamilien Violaceae
Slekt:	Fiolslekta Viola
Art:	Marsfiol V. odorata
Vitskapleg namn
Viola odorata L., 1753

I Noreg er marsfiol ein forvilla hageblomster som finst rundt Oslofjorden, sør til Arendal. Det er òg førekomstar ved Mandal og Stavanger.

Galleri

• 
  Nærbilete av blomsteren.
• 
  Marsfiol. Sjå særleg korleis rosetten med blad- og blomsterskaft går av frå tægene, og dei små blada på blomsterskaftet.

  Foto: Kjetil Lenes

Kjelder

• Johannes Lid: Norsk og svensk flora. Oslo, 1974.
• C. A. M. Lindman: Nordens flora. Oslo 1977.

Bakgrunnsstoff

• (no) Marsfiol hos Artsdatabanken
• (en) Marsfiol i Catalogue of Life
• (en) Marsfiol i Encyclopedia of Life
• (en) Marsfiol i Global Biodiversity Information Facility
• (sv) Marsfiol hos Dyntaxa
• (en) Marsfiol hos ITIS
• (en) Marsfiol hos NCBI
• (en) Marsfiol hos Plants of the World Online
• (en) Marsfiol hos The International Plant Names Index
• (en) Marsfiol hos Tropicos
• (en) Kategori:Viola odorata – bilete, video eller lyd på Wikimedia Commons