Melløs stadion

59°25′15.060″N 10°40′17.018″E

Melløs Stadion
Eigar	Moss kommune
Opna	21. mai 1939
Drift	Moss kommune
Underlag	Gras
Brukarar	Moss FK SK Rapid FK Athene Moss Moss IL
Kapasitet	4 117 (2400 seter)
Melløs stadion 59.42083333°N 10.67138889°E / 59.42083333; 10.67138889

Melløs Stadion er ein fotball- og friidrettsarena i Moss. Området har fire grasbanar: éin hovudarena der Moss FK spelar og tre treningsbaner. Kunstgrasbanen vart teken i bruk hausten 2005.

Stadionet har i dag ein kapasitet på 4 117 plassar, av dette 2 400 sete. Dette kjem av strenge krav frå NFF. Det er planar om å bygge ut Melløs til Melløs Arena. Dette har ei kostnadsrame på 120 millionar, men pengane er ikkje på plass.^[1]

Arrangement

Det er blitt halde Noregsmeisterskap i både friidrett og hurtigløp på skøyter på Melløs.

• NM i friidrett 1990 – Kongepokalvinnarar vart Georg Andersen (kulestøyt) og Hanne Haugland (høgdehopp).
• Allround-NM på skøyter 1971 for herrar – Noregsmeister vart Dag Fornæss.

Historie

Stadionet vart opna 21. mai 1939 med eit opningsstemne der mellom anna Moss møtte Sprint til kamp.^[2]

Tilskodarrekorden er på 11 000 frå 1976 då Moss møtte Odd, men det er usikkert kor mange som var inne på stadionet. 26. oktober 2003 såg 10 086 tilskodarar kampen mellom Moss og Fredrikstad.

26. oktober 1983 spelte Noreg mot Finland på Meløs, sett av 2067 tilskodarar. Noreg vann kampen 4–2. Ein annan landskap som vart spelt på Meløs var mot Tyrkia den 6. mai 1987. Kampen enda 1–1.

17. september 1988 spelte Moss semifinale i cupen mot Brann. Brann vann kampen 1–0.