Mia Dimšić

kroatisk songar og låtskrivar From Wikipedia, the free encyclopedia

Mia Dimšić
Remove ads

Mia Dimšić (fødd 7. november 1992), også kjend under scenenamnet Mia, er ein kroatisk songar og låtskrivar. Ho representerte Kroatia i Eurovision Song Contest 2022 med songen «Guilty Pleasure».

Kjappe fakta Fødd, Fødestad ...

Bakgrunn

Dimšić vart fødd i 1992 i Osijek. Ho er utdanna fagomsetjar ved Filozofski fakultet u Osijek.[1]

Dimšić byrja sin musikalske karriere i 2014 då bandet Džentlmeni inviterte ho til å delta på bandets USA- og Canada-turné for kroatiske utflyttarar.[1] Ho gav ut debutsingelen «Budi mi blizu» 12. oktober 2015,[2] mens oppfølgjarsingelen «Život nije siv» kom ut 7. juli 2016. Denne singelen var også hovudsporet på debutalbumet hennar, Život nije siv, som vart gjeve ut 20. mars 2017.[3] Život nije siv gjekk også til topps på den kroatiske albumlista, og vart seinare sertifisert med platina.[4][5] Hennar andre studioalbum og fyrste julealbum, Božićno jutro, vart utgjeve 29. november 2017.[6]

I juli 2019 slapp Dimšić singelen «Sva blaga ovog svijeta» med den kroatiske songaren Marko Tolja.[7] Songen debuterte på tolvteplass på den kroatiske HR Top 40 og klatra seinare til fyrsteplass.[8][9]

I desember 2021 vart Dimšić kunngjord som ein av 14 deltakarar i songtevlinga Dora 2022, den kroatiske uttakinga til Eurovision Song Contest. Ho vann tevlinga med låten «Guilty Pleasure» og fekk dimed representere Kroatia i Eurovision Song Contest 2022.[10][11] Låten kvalifiserte seg ikkje til finalen etter å ha vorte nummer 11 av 17 bidrag i den fyrste semfinalen tysdag 10. mai 2022.[12]

Remove ads

Diskografi

Album

  • 2017 – Život nije siv
  • 2017 – Božićno jutro
  • 2019 – Sretan put

EP-ar

  • 2022 – Guilty Pleasure

Singlar

  • 2015 – «Budi mi blizu»
  • 2015 – «Slobodna»
  • 2016 – «Život nije siv»
  • 2016 – «Sanjaj me»
  • 2017 – «Bezimeni»
  • 2017 – «Sunce, oblak, vjetar»
  • 2017 – «Kiša»
  • 2017 – «Cimet i čaj»
  • 2018 – «Do posljednjeg retka»
  • 2018 – «Snježna ulica»
  • 2019 – «Ovaj grad»
  • 2019 – «Cesta do sna»
  • 2019 – «Sva blaga ovog svijeta» (med Marko Tolja)
  • 2019 – «Pomiče se sat»
  • 2020 – «Unatrag»
  • 2021 – «Pomalo slučajno»
  • 2021 – «Neki novi ljudi»
  • 2022 – «Guilty Pleasure» / «Netko drugi»
  • 2022 – «Stuck on You»
Remove ads

Kjelder

Loading related searches...

Wikiwand - on

Seamless Wikipedia browsing. On steroids.

Remove ads
Remove ads