Monte Cevedale

Monte Cevedale (tysk Zufallspitze) er ein fjelltopp på 3 769 meter over havet i Ortleralpane. På sørtoppen (3 757 moh) av fjellet møtest dei tre italienske provinsane Trento, Bolzano og Sondrio. Monte Cevedale er det høgste fjellet i Trento-provinsen.

Monte Cevedale
fjell
Monte Cevedale sett frå nord
Land	Italia
Fjellkjede	Ortleralpane
Høgd	3 769 moh.
Førstestiging	1865
Koordinatar	46°26′53″N 10°37′15″E
Monte Cevedale 46.448055555556°N 10.620833333333°E / 46.448055555556; 10.620833333333
Wikimedia Commons: Monte Cevedale

Monte Cevedale er det høgste skitur-fjellet i Ortleralpane, ettersom ein under gunstige tilhøve kan gå til topps med ski. Turen er rimeleg grei, men går alle stader over isbrear og det krevst at ein er merksam på bresprekker.

Julius Peyer, fjellføraren Johann Pinggera og J. Reinstadler var dei fyrste menneska på Monte Cevedale den 7. september 1865.