Mulfjorden

Mulfjorden er ein fjordarm av Folda i Steigen kommune i Nordland. Fjorden ligg på austsida av Hjartøya i Steigen og strekkjer seg 4 km nordover til Nordfolda.

Mulfjorden
fjord
Flyfoto frå aust av Nordfolda med Hjartøya og Mulfjorden litt til venstre for midten. Foto: Erlend Bjørtvedt
Land	Noreg
Mulfjorden 67.645°N 15.14°E / 67.645; 15.14

Fjorden har innløp mellom Nisvikodden i vest og Mulneset i aust og endar i nord mellom Åslundodden på Hjartøya og garden Mulen, som har gjeve namn til fjorden, i aust. Multindan ligg på austsida av fjellet og strekkjer seg opp til 1108 meter over havet på det høgaste. Revsfjorden går austover på sørsida av Mulneset.