Najran-regionen

Najran (arabisk نجران‎, romanisert Naǧrān) er ein region i Saudi-Arabia, sør i landet langs grensa til Jemen. Han har eit areal på 119 000 km². Hovudstaden er byen Najran.

Najran
نجران
Region
Land	Saudi-Arabia
Hovudstad	Najran
Areal	119 000 km²
Folketal	505 652 (2010)[1]
Postnummer	10
Najran-regionen 17.491666666667°N 44.132222222222°E / 17.491666666667; 44.132222222222
Kart som viser Najran-regionen. Kart som viser Najran-regionen.
Wikimedia Commons: Najran Province

Najran er busett av den mektige yam-stamma, som har budd i regionen i mange hundreår.

Namn

Namnet Najran tyder 'trestykke som dørhengsla går rundt'. Ordet «Najran» tyder òg 'tørst'. Ei anna forklaring er at namnet kjem frå Najran Ibn Zaidan Ibn Sabaa Ibn Yashgab Ibn Yareb Ibn Qahtan fordi han var den første personen som busette seg i Najran.

Geografi

Najran består av tre geografiske område. Det eine er eit flatt område som ligg sentralt i Najran. Det har fleire dalar og den mest kjende av dei er Najrandalen. Det andre er eit fjellområde i vest og i nord. Her er klimaet meir moderat med vakre parkar og skuggar frå nabk-trea. Det siste området er eit sandete område i aust, som er ein del av ørkenen Rub al-Khali.

Guvernement

• Al Khirkhir (4 015)
• Badr Al Janub (11 117)
• Hubuna (20 400)
• Khubash (22 133)
• Najran (329 112)
• Sharurah (85 977)
• Thar (16 047)
• Yadamah (16 851)

Sjå òg

• Stor-Jemen
• Sør-Arabia