Nicolai Andresen

Nicolai Andresen (24. september 1781–18. november 1861) var ein danskfødd kjøpmann og politikar, busett i Christiania frå 1801.

Nicolai Andresen
Statsborgarskap	Noreg
Fødd	24. september 1781 Tønder
Død	18. november 1861 (80 år) Christiania
Yrke	bankier, politikar
Språk	norsk
Nicolai Andresen på Commons

Andresen var frå Tønder i Sønderjylland, son til ein skreddarmeister. Sjølv var han i ein del år tilsett hos ein kjøpmann i Flensburg. I 1801 kom han til Christiania og vart kompanjong hos kjøpmann G.F. Hagemann. Frå 1809 til 1845 dreiv Andresen eigenhendig ei grossist- og bankforretning i den norsk hovudstaden. Bankverksemda hans var elles grunnlaget for den seinare etablerte Andresens Bank.

Gjennom fleire tiår sat Andresen i fleire utval og kommisjonar som stelte med bank- og finanssaker. Han møtte på Stortinget 1818 som varamann for Paul Thrane, og var i 1824 fyrsterepresentant for Christiania på tinget. I 1818 var han medlem av ti komitear, mellom andre i budsjettkomiteen, om handelsflagget og om vekslar/vekselrenter. Andresen var medlem av det fyrste bystyret i hovudstaden og var bystyremedlem 1837-43.

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Norsk biografisk leksikon
• Biografisk informasjon om Nicolai Andresen ved PolSys hos Sikt – Kunnskapssektorens tjenesteleverandør