Nizwa
From Wikipedia, the free encyclopedia
Remove ads
Nizwa (arabisk نزوى) er den største byen i Ad Dakhiliyah guvernement i Oman og var tidlegare hovudstad i Oman. Nizwa ligg kring 140 km frå Muscat. Folketalet er rundt 700 000 innbyggjarar, inkludert dei to områda Burkat Al Mooz og Al Jabel Al Akhdar.
Nizwa er ein av dei eldste byane i Oman og var ein gong eit senter for handel, religion, utdanning og kunst. Jama-moskeen var tidlegare eit senter for islamsk utdannign. Nizwa var eit viktig møtepunkt ved foten av dei vestlege Hajarfjella. Byen ligg mellom frodige daddelpalmar, strategisk til mellom krossvegen mellom det indre av Oman og Muscat og dei nedre områda av Dhofar.
Remove ads
Namnesoge
Historikarar er ikkje samde om opphavet til namnet på byen. Somme indikerer at namnet kjem frå det arabiske verbet som tyder «aleine».
Historie
Nizwa var hovudstaden Oman på 500- og 600-talet evt. Med djupe røter i islam har Nizwa mange moskéar, som Sultan Qaboos Jama (fredagsmoskeen), So'al-moskeen frå 800-talet, Ash-Shawathinah-moskeen i Uqr og Ash-Sharja-moskeen.
Tidleg i 1950-åra vart eit stort, 400 år gammalt, rundt tårn i sentrum av byen bomba av britiske Royal Air Force, som vart henta inn for å assisterte den regjerande sultanen Said bin Taymour for å stoppe eit opprør leia av det indre imamatet Oman. Konflikten oppstod då det vart oppdaga olje i regionen.
Remove ads
Geografi og klima
Nizwa er omringa av fjell på begge sider. Frå november til mars er klimaet relativt kjølig med temperaturar ned mot 10 ºC i desember. Om sommaren er klimaet heitt og tørt, med temperaturar opp mot 50 ºC i juli. Det kjem lite nedbør og det vesle som kjem er om vinteren.
Turistmål

Turistmål i byen er Nizwa festning, tradisjonelle marknader og Falaj Daris.
Falaj Daris er ein verdsarvstad og den største falajen eller tradisjonelle vatningssystemet i Oman. Det gjev vatn til plantasjar kring Nizwa.
Kjelder
Wikiwand - on
Seamless Wikipedia browsing. On steroids.
Remove ads