Norsk Måldyrkingslag

Norsk Måldyrkingslag (Akademi for Det Norske Målet) er eit lag skipa i 1928 med føremål om å granska og dyrka det norske målet. Tuftinga skjedde etter opptak av Studentmållaget i Oslo. Laget har med ujamne mellomrom gjeve ut årboka «Fram då, frendar», og har dessutan prenta ein del fagordlister. Det var Norsk Måldyrkingslag som fyrst gjorde framlegg om Norsk Ordbok. Ansvaret for dette arbeidet vart i 1945 overteke av Det Norske Samlaget.

Norsk Måldyrkingslag
Type	forening/lag/innretning
Org.nummer	991597107
Skipa	20. oktober 1928
Medlemmer	40

Lars Eskeland var den fyrste leiaren av laget. Av andre leiarar kan ein nemna Sigurd Kolsrud, Severin Eskeland (1880-1964), Elias Berdal og Knut Robberstad. Medlemstalet har variert gjennom tidene. I 2013 låg det på rundt 40.^[1]

Kjelder

• Aarnes, H. (1959). Norsk Måldyrkingslag. I Norsk allkunnebok. IX. bandet (s. 32). Oslo: Fonna Forlag.