Norwegian Air Shuttle

Norwegian Air Shuttle ASA OSE: NAS er eit flyselskap som driv med lågprisflyging i Noreg og Europa. Norwegian har den administrative basen sin på Fornebu, den tekniske basen i Stavanger og den operative basen i Bergen og Oslo. Alle flya er måla med raud nase og ulike norske «heltar» på halen.

Norwegian Air Shuttle
Org.form	Allmennaksjeselskap
Org.nr.	965920358
Skipa	22. januar 1993
Morselskap	Bank Norwegian
Dotterselskap	Norwegian Air UK, Bank Norwegian
Hovudkontor	Fornebu
Land	Noreg
Tenester	Boeing 737 Next Generation
Grunnleggjar(ar)	Bjørn Kjos
Adm.dir.	Geir Karlsen
Salsinntekter	1 502 300 000 norsk krone (2022)[1]
Omsetnad	1 502 300 000 norsk krone (2022)[1]
Resultat	1 005 500 000 norsk krone (2022)[1]
Nettstad	https://www.norwegian.com/ (engelsk), https://www.norwegian.no/ (bokmål)

Norwegian Boeing 737-300 LN-KKP Kirsten Flagstad

Diamanten, hovudkontora til Norwegian

Historie

Flyselskapet vart etablert i 1993, etter at Busy Bee gjekk konkurs, og spesialiserte seg på å vere operatør for Braathens SAFE på Vestlandet med Fokker 50. Hausten 2002 tok Norwegian opp konkurransen med SAS Braathens på innanriksflygingar i Noreg. Frå 1. september 2002 vart verksemda endra til eit lågprisselskap, og hovudfokuset er no å tilby lågprisflygingar med Boeing 737.

I dag er Norwegian eit lågprisflyselskap med norske, europeiske og oversjøiske ruter. Norwegian har om lag 3000 tilsette og 91 fly av typen Boeing 737-800 med 186/189 sete, dei har òg nokre Boeing 787-8 med 291 sete. Norwegian har tinga til saman 91 fly av typen Boeing 737-800, 18 fly av typen Boeing 737 Max 8, i tillegg til åtte fly av typen Boeing 787-8 og 29 Boeing 787-9. Norwegian har og bestillingar på den nye a321LR fra Airbus. Selskapet har om lag 50 prosent marknadsdel på dei rutene dei flyg i Noreg. Norwegian tilbyr totalt 382 ruter til 121 destinasjonar i 32 land i 4 verdsdelar.

Destinasjonar

Sjå eigen artikkel: Norwegian Air Shuttle destinasjonar

Ein Boeing 737-800 frå Norwegian tek av

Inni ein Boeing 737-800 frå Norwegian Air Shuttle

Flyflåte[2]

Type	Antall	Ordre	Merknad
Boeing 737-800	91	-	Alle har fabrikk-monterte winglets.
Boeing 737 max 8	18	92	Satt på bakken.
Boeing 787-8	8	-
Boeing 787-9	29	5
Airbus a321LR	-	30
Total	146	127