Operasjonalisering

Operasjonalisering viser til det å gjere data målbare ved observasjon eller eksperimentering. Dette er ein vanleg måte å utforme forsking i fag som psykologi, samfunnssfag, forsking på levande organismar og i fysikk. Å operasjonalisere er viktig, sidan noko ein trudde var eitt enkelt konsept, kan vise seg å gi ulike svar ved ulike målemetodar. Omgrepet blei introdusert av den britiske fysikaren N.R. Campbell i Physics: The Elements (Cambridge, 1920).

Eit døme på operasjonalisering er å måle kor sint ein person er (noko som er vanskeleg å vite utan å vere personen sjølv) ved å måle volumet på talen deira i desibel, eller ved å telja sinte utbrot. Slik kan ein unngå ein mogleg subjektiv overdriving eller underdriving som ville kome om ein berre nytta spørjeskjema.