Philippe Lebon

Philippe Lebon' (fødd 29. mai 1767 i Brachay, død 1. desember 1804) var ein fransk oppfinnar. Han er kjent for å ha arbeidd med å forbetra dampmaskina, utvinning av vedgass for bruk i lamper og for å ha kome med framlegg om å laga ein gassmotor. I 1799 fekk han patent på ein metode for å produsera vedgass.

Philippe Lebon
Statsborgarskap	Frankrike
Fødd	29. mai 1767 Brachay
Død	1. desember 1804 (37 år) tidlegare 8. arrondissement i Paris
Yrke	oppfinnar, ingeniør, kjemikar
Språk	fransk
Philippe Lebon på Commons

Motoren han arbeidde med hadde tre dobbeltverkande sylindrar. Den eine sylinderen vart nytta for å komprimera luft, den andre for å komprimera gass og den tredje var arbeidssylinderen. Forbrenninga føregjekk i eit eksternt forbrenningskammer, som var kopla til arbeidssylinderen med eit røyr. Han fekk patent på motoren i 1801.