Platanlønn

Platanlønn eller platanløn (Acer pseudoplatanus), også kjend som «berglønn»,^[1] er ein art i lønnslekta med naturleg utbreiing i Sentral- og Sør-Europa, nord til Paris, og som veks innført andre stader.

Platanlønn
Platanlønn
Utbreiing og status
Status i verda: Livskraftig Status i Noreg: Framandart med svært høg risiko Utbreiinga av platanlønn
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Sapindales
Familie:	Lønnefamilien Sapindaceae
Underfamilie:	Hippocastanoideae
Slekt:	Lønn Acer
Art:	Platanlønn A. pseudoplatanus
Vitskapleg namn
Acer pseudoplatanus L., 1753

Skildring

Platanlønnen har vid, kuppelforma krone, i Noreg vert han opp til 20 m høg. Med blad virkar treet mørkt og tett. Kvistene er snaue, blada er håra, blågrøne med eit raudskjær på undersida. Blada har fem lappar med grov, ujamn sagtakking. Lappane er buttare enn hos spisslønn, men flikane mellom lappane er spissare enn hos spisslønnen.

Platanlønnen blomstrar med hengande klasar litt etter lauvsprett. Han set karateristiske frø med to vengar som lett spreier seg med vinden. Vinkelen mellom frøvengene er spiss. Ungplantane toler godt å vekse i skygge, slik kan platanlønnen lett etablere seg i annan lauvskog.

Innført art

Platanlønn har vore planta i Noreg som prydtre sidan midten av 1700-talet. Her er platanlønnen naturalisert både i barskog og lauvskog, og i rask spreiing, spesielt i kyst- og fjordstrok. Tilpassingsevna har ført til at Artsdatabanken har ført platanlønnen opp på fremmedartlista med svært høg økologisk risiko.

Galleri

• 
  Acer pseudoplatanus 'Atropurpureum'
• 
  Blad
• 
  Platanlønnfrø

Kjelder

• Alan Michell: Trær i skog og hage. Oslo 1977. ISBN 82-10-01282-7 * Johannes Lid: Norsk flora. Oslo 2004 ISBN 82-521-6029-8
• Knut Skinnemoen: Skogskjøtsel Oslo 1968