Pluton

Pluton (gresk Πλούτων, Ploutōn) er eit namn på dødsguden i gresk mytologi som også er kjend under namnet til dødsriket som han herska over, Hades. På latin blei namnet hans skrive Pluto. Romersk mytologi identifiserte han også med Dis [Pater] og Orcus. I moderne tid har guden gjeve namn til grunnstoffet plutonium og dvergplaneten Pluto.

Pluto og Proserpina. Illustrasjon frå 1703.

Pluton
Identifisert med	Hades, Dis Pater, Orcus, Aita
Far	Saturn
Ektefelle	Proserpina

Pluton var kjend som ein skremmeleg og strid gud. Den beste kjende soga om han er korleis han bortførte kona si, Persefone (latin Proserpina), dottera til grødegudinna. Dette paret kunne gje grøde og rikdom.

Namnet til rikdomsguden Plutos kan lett forvekslast med Pluton, særleg ettersom Pluton òg blei knytt til rikdom.

Romersk kopi av ei gresk byste av Pluton. Kappa er lagt til seinare.

Sjå òg

• Plutonisme