Slireknefamilien

Slireknefamilien (av slire og kne) eller syrefamilien (Polygonaceae) er ein plantefamilie i ordenen Caryophyllales. Han omfattar rundt 1 100 artar fordelt på 46 planteslekter.

Slireknefamilien
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Nellikordenen Caryophyllales
Familie:	Slireknefamilien Polygonaceae Juss., 1789

Antigonon cordatum

Artane i syrefamilien har spreidde, heilranda blad og ei karakteristisk slire av samanvaksne øyreblad rundt kvar ledd i stengelen. Dei undersitjande blomstrane er små og kvite, grøne eller raudlege, og har 3-6 blomedekkblad, 5-9 støvberarar og ein fruktknute med 2-4 griflar. Blomstrane er som regel tvikjønna og sit anten enkeltvis i bladhjørna eller i aksforma blomsterstandar. Frukta er ei trekanta eller flat nøtt som ofte er omslutta av sterkt forstørra blomsterdekkblad. Dei forstørra blomsterdekkblada har som regel store korn midt på.

Familien omfattar ein del ugrasplantar, særleg i syreslekta (Rumex). Desse kan vera ei plage i landbruket. Rabarbra (Rheum) høyrer også til syrefamilien. Mange av artane inneheld mykje oksalsyre og kan derfor vera giftige.

Slekter

Afrobrunnichia Antigonon Antipogon Aristocapsa Atraphaxis Brunnichia Calligonum Centrostegia Chorizanthe Coccoloba Dedeckera Dodecahema

Emex Eriogonum Fagopyrum Fallopia Gilmania Goodmania Gymnopodium Harfordia Hollisteria Knorringia Koenigia Lastarriaea

Leptogonum Mucronea Muehlenbeckia Nemacaulis Neomillspaughia Oxygonum Oxyria Oxytheca Parapteropyrum Persicaria Podopterus Polygonella

Polygonum Pteropyrum Pterostegia Rheum Rumex Ruprechtia Stenogonum Symmeria Systenotheca Triplaris