Prinia

Prinia er ei biologisk slekt av små insektetande fuglar klassifisert i familien grassongarar, Cisticolidae. Dei er ofte òg alternativt klassifisert i songarfamilien, Sylviidae. Namnet på slekta kjem frå javanesisk 'prinya', det lokale namnet på bandvengprinia.^[1]

Oskeprinia, Prinia socialis, i Hyderabad, India.

Foto: J.M.Garg

Prinia
Bandvengprinia, Prinia familiaris Foto: Lip Kee Yap
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Overorden:	Passerimorphae
Orden:	Sporvefuglar Passeriformes
Familie:	Grassongarar Cisticolidae
Slekt:	Prinia Horsfield, 1821

Orientprinia, Prinia inornata, i Kolkata, Vest-Bengal, India.

Foto: J.M.Garg

Gråbrystprinia, Prinia hodgsonii, i Shamirpet, Rangareddy, Andhra Pradesh, India.

Foto: J.M.Garg

Prinia er nokre gonger referert til som smettsongarar. Dei er ei lite kjend gruppe av fuglar i tropiske og subtropiske delar av «den gamle verda», dei rundt 25 artane er fordelte nokså likt mellom Afrika og Asia.

Desse er fuglane lever i hovudsak i opne habitat med høgt gras eller kratt, der dei ikkje er lett synlege. Dei er mest standfuglar, migrasjon er avgrensa til lokale flyttingar på grunn av kaldt vêr. Ikkje-hekkande fuglar kan danne små flokkar.

Prinia har korte venger, og lange avsmalnande halar. Dei er nokså grå fuglar, brun eller grå over, nokre gonger med mørke striper og gråaktig underside. Nokre artar har hekkedrakt som skil seg frå vanleg fjørdrakt. Nebbet er typisk for insektetarar, tynnt og lett bua.

Artslista

Alle artar i slekta Prinia i rekkjefølgje etter EBird/Clements Checklist v2018^[2] med norske namn etter Norske navn på verdens fugler:^[3]

• Smussprinia, P. crinigera, Striated Prinia, Hodgson, 1836, (LC)
• Brunprinia, P. polychroa, Brown Prinia, Temminck, 1828, (LC)
• Svartstrupeprinia, P. atrogularis, Black-throated Prinia, Moore, F, 1854, (LC)
• Kvitbrynprinia, P. superciliaris, Hill Prinia, Anderson, 1871, (LC)
• Gråkroneprinia, P. cinereocapilla, Gray-crowned Prinia, Moore, F, 1854, (VU)
• Rustkroneprinia, P. buchanani, Rufous-fronted Prinia, Blyth, 1844, (LC)
• Brunryggprinia, P. rufescens, Rufescent Prinia, Blyth, 1847, (LC)
• Gråbrystprinia, P. hodgsonii, Gray-breasted Prinia, Blyth, 1844, (LC)
• Bandvengprinia, P. familiaris, Bar-winged Prinia, Horsfield, 1821, (LC)
• Alveprinia, P. gracilis, Graceful Prinia, Lichtenstein, MHK, 1823, (LC)
• Indiaprinia, P. sylvatica, Jungle Prinia, Jerdon, 1840, (LC)
• Gulbukprinia, P. flaviventris, Yellow-bellied Prinia, Delessert, 1840, (LC)
• Oskeprinia, P. socialis, Ashy Prinia, Sykes, 1832, (LC)
• Okerflankeprinia, P. subflava, Tawny-flanked Prinia, Gmelin, JF, 1789, (LC)
• Orientprinia, P. inornata, Plain Prinia, Sykes, 1832, (LC)
• Bleikprinia, P. somalica, Pale Prinia, Elliot, DG, 1897, (LC)
• Vassprinia, P. fluviatilis, River Prinia, Chappuis, 1974, (LC)
• Svartbrystprinia, P. flavicans, Black-chested Prinia, Vieillot, 1821, (LC)
• Flekkprinia, P. maculosa, Karoo Prinia, Boddaert, 1783, (LC)
• Drakensbergprinia, P. hypoxantha, Drakensberg Prinia, Sharpe, 1877, (LC)
• Saotomeprinia, P. molleri, Sao Tome Prinia, Barboza du Bocage, 1887, (LC)
• Haukprinia, P. bairdii, Banded Prinia, Cassin, 1855, (LC)
• Raudvengprinia, P. erythroptera, Red-winged Prinia
• Rustpanneprinia, P. rufifrons, Red-fronted Prinia, Rüppell, 1840, (LC)