Provinsen Ancona

Provinsen Ancona (italiensk Provincia di Ancona) er ein provins i regionen Marche i Italia. Hovudstaden er byen Ancona. Han har eit areal på 1 940 km² og totalt 465 906 innbyggjarar i 2006. Det er 49 kommunar i provinsen.

Ancona
provins
Land	Italia
Region	Marche
Hovudstad	Ancona
Postnummer	60100
Retningsnummer	71
Bilnummer	AN
Provinsen Ancona 43.616666666667°N 13.516666666667°E / 43.616666666667; 13.516666666667
Kart som viser Provinsen Ancona. Kart som viser Provinsen Ancona.
Wikimedia Commons: Province of Ancona

Provinsen strekkjer seg frå kysten av Adriahavet og vestover til Appenninane, og terrenget vert gradvis høgare og meir fjellendt bort frå kysten. Dei fleste innbyggjarane bur langs kysten, og om lag ein fjerdedel av alle innbyggjarane bur i byen Ancona. Andre større byar er Fabriano, Jesi, Loreto, Osimo og Senigallia.

Kyststripa i provinsen består av sandstrender som er populære turistmål. Dei sentrale områda er jordbruksland, der ein produserer raud- og kvitvin av druer som Sangiovese, Montepulciano og Verdicchio. Fjellområda er tett skogkledd og her finn ein det mest kjende jordbruksproduktet, svart trøffel.

Største kommunar

Per 30. juni 2005

Kommune	Ibuarar
Ancona	101 798
Senigallia	44 031
Jesi	39 720
Fabriano	30 718
Osimo	30 598
Falconara Marittima	28 284
Castelfidardo	18 059
Chiaravalle	14 478
Loreto	11 754