Qijamah

Jawm al-Qījāmah (arabisk skrift يوم القيامة, «dagen til oppstoda») er eit muslimsk omgrep knytt til endetida. Han står i samanheng med jawm ad-Dīn, som laust kan omsetjast som dommedag. Qijamah er omtalt i suren «Al-Qiyamah» ('Oppstoda') i Koranen, og i hadith.

Mange tradisjonar held føre at ein mahdi, eller frelsar, skal visa seg før endetida byrjar. Éin tradisjon seier at dei rettvise skal samla seg på Oljeberget i Jerusalem. Denne tradisjonen er market med fleire innskrifter ved Klippedomen laga av Omajadane.