Rändajad

«Rändajad» (norsk omsetjing ‘reisande’ eller ‘vandrarar’) er ein song med den estiske gruppa Urban Symphony. Han var det estiske bidraget til Eurovision Song Contest 2009 i Moskva i Russland.

«Rändajad» Song av Urban Symphony
Land	Estland
Språk	Estisk
Utgjeve	2009
Sjanger	Elektropop
Lengd	03:03
Selskap	Moonwalk
Komponist	James Horner
Tekstforfattar	Sven Lõhmus
Låtskrivar(ar)	Sven Lõhmus

Om songen

«Rändajad» var eitt av 10 bidrag i den estiske songtevlinga Eesti Laul 2009, arrangert av kringkastaren ERR. I finalen vann songen ein soleklår siger etter å ha fått 82 % av røystene i superfinalen.^[1][2] Gjennom sigeren blei «Rändajad» det estiske bidraget til Eurovison Song Contest.^[3][4]

Eurovision Song Contest

I januar 2009 blei Estland trekt til å delta i den andre semifinalen av Eurovision Song Contest. Semifinalen blei arrangert i Olimpijskij Arena i Moskva torsdag 14. mai, og Estland hadde startnummer 18.^[5] «Rändajad» blei blant dei ti beste bidraga i semifinalen og kvalifiserte seg dimed til finalen laurdag 16. mai.^[6] I finalen var «Rändajad» det 15. bidraget på scena.^[7] Songen hamna til slutt på 6. plass av 25 bidrag med 129 poeng.^[8]

I Eurovision Song Contest stilte Urban Symphony med koristane Marilin Kongo og Mirjam Mesak.^[9][10]