Realismen

Realismen er ein tanke- og kunstretning som gjorde seg gjeldande i Europa frå midten av 1800-talet. Ein reknar særleg biletkunst frå tida 1850–1870 og litteratur frå tiåret 1875–1885 med til realismen.

For andre tydingar av oppslagsordet, sjå Realisme.

Realismen oppstod i Frankrike på om lag same tid som fotografiet og sosialismen. Kunstnarar ønskte å opptre som fotografiapparat ved å skildra verda slik ho var, utan overdrivne kjensler og romantikk, og ofte med håp om å forbetra den sosiale røynda.

Realismen blei vidareført gjennom naturalismen og seinare avløyst av nyromantikken.

Viktige namn

'Gravferd i Ornans' av Gustave Courbet vakte oppsikt gjennom å skildra ei kvardagsleg hending i stor skala. Courbet sa seinare at «gravferda i Ornans var i røynda gravferda til romantikken».

• Bjørnstjerne Bjørnson, norsk forfattar
• Georg Brandes, dansk litteraturkritikar
• Gustave Courbet, fransk målar
• Charles Darwin, engelsk vitskapsmann
• Charles Dickens, engelsk forfattar
• Fjodor Dostojevskij, russisk forfattar
• Arne Garborg, norsk forfattar
• Henrik Ibsen, norsk forfattar
• Alexander Kielland, norsk forfattar
• Christian Krohg, norsk forfattar og målar
• Jonas Lie, norsk forfattar
• Karl Marx, tysk tenkjar
• John Stuart Mill, engelsk tenkjar
• Jean-François Millet, fransk målar
• August Strindberg, svensk forfattar

Kjelder

• Delar av denne artikkelen bygger på «Realisme (kunst)» frå Wikipedia på bokmål, og «Realisme (litteratur)» frå Wikipedia på bokmål den 18. januar 2008.
• Delar av denne artikkelen bygger på «Gustave Courbet» frå Wikipedia på bokmål, og «Realism (arts)» frå Wikipedia på engelsk den 18. januar 2008.