Regionar i Danmark

Regionar i Danmark er frå 1. januar 2007 nemninga på eit forvaltingsnivå i Danmark. Region erstatta då amt som nemning på nivået over kommune. Omlegginga frå amt i Danmark var eit ledd i ei avtale mellom den danske regjeringa og Dansk Folkeparti om strukturreforma, som vart inngått i juni 2004.

Fem regionar i Danmark

Dei endelege namna og områdeinndelinga vart fastsett i lov av 24. juni 2005.

Danmark vart inndelt i fylgjande fem regionar:

• Region Nordjylland - det tidlegare Nordjyllands Amt og ein del av Viborg Amt, framleis med Aalborg som administrasjonsby.
• Region Midtjylland - dei tidlegare Ringkjøbing og Århus amt, samt delar av Viborg og Vejle Amt, med sentral forvaltning i Viborg.
• Region Syddanmark - dei tidlegare Fyns, Ribe og Sønderjyllands amt, i tillegg til delar av Vejle Amt, med Vejle som administrasjonsby.
• Region Hovedstaden - dei tidlegare Københavns og Frederiksborg amt, Københavns og Frederiksberg kommunar, i tillegg til Bornholms Regionskommune, med sentral forvaltning i Hillerød.
• Region Sjælland - dei tidlegare Roskilde, Storstrøms og Vestsjællands amt, med sentral forvalting i Sorø.

Bakgrunnsstoff

• Aftale om strukturreform - hjå Indenrigs- og Sundhedsministeriet
• Strukturreform Arkivert 2004-08-11 ved Wayback Machine. - hjå Vejle Amt
• Oversiktskart over Danmarks nye kommuner Arkivert 2005-03-15 ved Wayback Machine.
• Google Map med 98 kommunar(dansk)