Restriksjonsenzym

Restriksjonsenzym eller restriksjonsendonukleasar er enzym som kløyver DNA-molekyl. Dei er særs vanlege hjå prokaryotar og verkar der som eit vern av genomet til organismen mot framand DNA, til dømes bakteriofag-DNA.

Restriksjonsenzym kjenner att sekvensar på nokre få basepar og kløyver DNA-molekylet i desse sekvensane. Soleis gjev eit visst restriksjonsenzym kvar gong ei viss samling DNA-fragment for eit visst DNA-molekyl. Denne eigenskapen gjer restriksjonsenzym til ein særs viktig reiskap i genteknologi, til dømes ved innsetjing av DNA-sekvensar i plasmid.

I organismar kjem restriksjonsenzym i lag med metyltransferasar som metylerer restriksjonssekvensane i DNA-et til organismen, slik at restriksjonsenzymet ikkje kløyver desse.

Kjelder

• Pingoud A, Jeltsch A (15. september 2001). «Structure and function of type II restriction endonucleases». Nucleic Acids Research 29 (18): 3705–27. PMC 55916. PMID 11557805. doi:10.1093/nar/29.18.3705.
• «restriksjonsenzymer» i Store norske leksikon, snl.no. Henta 7. november 2016.