Rheine

Rheine er ein by i Tyskland i delstaten Nordrhein-Westfalen med om lag 80 000 innbyggjarar. Byen er den største byen i kreisen Steinfurt og ligg ved elva Ems, om lag 40 km nord for Münster, 45 km vest for Osnabrück og 45 km aust for Enschede (Nederland).

Rheine
by
Stadtkirche Sankt Dionysus i Rheine.
Våpenskjold
Land	Tyskland
Stat	Nordrhein-Westfalen
Region	Münster
Landkreis	Steinfurt
Høgd	27−90 m
Areal	145 km²
Folketal	78 220 (31. desember 2023)
Først nemnd i	838
Postnummer	48429, 48431, 48432
Retningsnummer	05971, 05975, 05459
Bilnummer	ST
Rheine 52.283333333333°N 7.4333333333333°E / 52.283333333333; 7.4333333333333
Wikimedia Commons: Rheine

Historie

Sjølv om området rundt byen har vore busett sidan førhistorisk tid vart Rheine først nemnd i eit dokument signert av Ludvig I i 838. Den 15. august 1327 fekk Rheine byrettar av Ludvig II, biskop av Münster.

Byen vart grunnlagd der to gamle handelsvegar kryssa forbi, og ved ein vadestad over Ems. Frankiske soldatar sikra dette strategiske punktet med ein kasernegard, og seinare vart det bygd ei kyrkje og fleire bygningar ved utposten.

Mot slutten av trettiårskrigen vart byen lagt i oske. Svenske og hessiske troppar omleira keisaren sine soldatar som forskansa seg i Rheine. Datoane 20. og 21. september og 19. oktober 1647 vart brennande kanonkuler avfyrt mot byen og 365 hus brann ned.

Under industrialiseringa blømde tekstilindustrien i byen. Han var ein viktig økonomisk faktor for Rheine fram til andre halvdel av 1900-talet.