Rheinland-Pfalz

Rheinland-Pfalz er eit forbundsland i Tyskland. Hovudstaden er Mainz, arealet er 19 853 km² og folketalet 4 084 844 i 2018. Rheinland-Pfalz ligg sørvest i Tyskland, og grensar til Nordrhein-Westfalen, Hessen, Baden-Württemberg, Frankrike, Saarland, Luxembourg og Belgia. Området var del av den franske okkupasjonssona etter den andre verdskrigen og delstaten vart oppretta gjennom samanslåing av Rhein-Pfalz med den prøyssiske Rhinprovinsen og delar av det vestlege Hessen.

Rheinland-Pfalz
forbundsland
Symbol
Land	Tyskland
Hovudstad	Mainz
Areal	19 853,36 km²
Folketal	3 994 000 (31. desember 2013)
Grunnlagd	1946
Språk	Tysk
Rheinland-Pfalz 49.913056°N 7.449722°E / 49.913056; 7.449722
Kart som viser Rheinland-Pfalz. Kart som viser Rheinland-Pfalz.
Wikimedia Commons: Rhineland-Palatinate

Geografi og geologi

Landskapet i Rheinland-Pfalz er prega av rhinske skiferplatå som vert gjennomskoren av dei djupe dalføra til Mosel, Rhinen og Lahn. Elvane deler landskapet i fire delar: fjell- og bakkelandskapa Hunsrück og Eifel vest for Rhinen og Westerwald og Taunus austom Rhinen. Den største elva i delstaten er Rhinen som dannar grense med Baden-Württemberg og Hessen.

Dei høgaste fjella i Eifel er vulkankjegler, i Hunsrück og Taunus kvartsittryggar og i Westerwald basaltkuplar. Dei høgaste områda i Hunsrück når opp i vel 800 moh. Bakkelandskapet i sør er dekt av Pfälzerskogen.