Ringvassøy

Ringvassøy (nordsamisk Ráneš) er den sjette største øya i Noreg med eit areal på 656 km². Øya ligg i kommunane Karlsøy og Tromsø i Troms. Namnet Ringvassøy kjem av ordet rind f. «bergrygg», øya med fjellryggane.^[1]

Ringvassøy Lokalt namn Ráneš
Geografi
Stad	Nord-Noreg
Koordinatar	69°55′N 19°15′E
Areal	656 km²
Høgaste punkt	Soltindan (1051 moh.)
Administrasjon
Land	Noreg
Fylke	Troms

Det høgaste punktet på øya er Soltindan på 1051 meter over havet. Skogsfjordvatnet er eit 10 km² stort vatn på øya og den største innsjøen på ei øy i Noreg.

Geologi

Den sørlege delen av Ringvassøy består av tonalittiske til anorthosittiske og gabbroiske migmatittiske gneis.^[2] Ein prøve av den tonalitiske gneisen gav ein arkaisk U–Pb zirkon alder på 2841 millionar år.^[3]

Det 10 km breie og 30 km lange Ringvassøy grønsteinsbelte utgjer den nordlege delen av Ringvassøya og består av ulike felsiske til mafiske metavulkanske bergartar av tholeiitisk til kalsium-alkalisk affinitet.^[4] U–Pb zirkon alder på 2849 millionar år og 2835 millionar år.^[5]

Både gneisen og grønsteinane er gjennomskorne av mange mafiske gangar.