Sølvasal

Sølvasal eller kvitasal (Sorbus aria) er eit tre i asalslekta i rosefamilien. Det kan bli 5 til 15 meter høgt. Blada er eggforma med sølvkvit underside.

For andre artar som også er blitt kalla sølvasal, sjå bergasal og norsk asal

Sølvasal
Sølvasal
Utbreiing og status
Status i verda: Livskraftig Utbreiinga av sølvasal
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Roseordenen Rosales
Familie:	Rosefamilien Rosaceae
Underfamilie:	Eplefamilien Maloideae
Slekt:	Asalslekta Sorbus
Art:	Sølvasal S. aria
Vitskapleg namn
Sorbus aria Crantz, 1763

Sølvasal stammar frå Mellom- og Sør-Europa. Planten er blitt brukt som prydtre sidan 1700-talet, og finst forvilla i Noreg, i det minste nord til Trøndelag. Det er også mogleg at arten er komen til landet naturleg. Arten er rekna som nær truga i Noreg.

Treet utgjer saman med to nærskilde artar, bergasal og norsk asal, sølvasal-gruppa. Det finst fleire kultivarar av sølvasal, i tillegg til fleire hybridar danna med andre tre i asalslekta.

Galleri

• 
  Bær og blad.
• 
  Lite tre i fjellet i Algerie.
• 
  Blomstrande tre i Allgäu i Bayern.
• 
  Verna tre ved ein åker i Kyšice i Tsjekkia.