S'il vous plaît

«S'il vous plaît» er ein norsk song skriven av Sven Lange (melodi) og Per Lillo-Stenberg (tekst).^[1] Han var eit av bidraga til Melodi Grand Prix 1961, den norske uttakinga til Eurovision Song Contest 1961 i Cannes i Frankrike, og vart framført av Svein Nilsen og Per Asplin.

«S'il vous plaît» Singel
Land	Noreg
Språk	Norsk og fransk
Utgjeve	1961
Låtskrivar(ar)	Sven Lange og Per Lillo-Stenberg

Eurovision

Melodi Grand Prix 1961

«S'il vous plaît» deltok i Melodi Grand Prix 1961, den norske uttakinga til Eurovision Song Contest 1961 i Cannes i Frankrike. Songen vart framført på norsk av Svein Nilsen med eit lite orkester, og så på nytt av Per Asplin med eit stort orkester. Bidraget enda på tredjeplass med 59 poeng.^[2][3] Dette er det fyrste bidraget som vart framført på fransk i Melodi Grand Prix.

Innspelingar

• Per Asplin med Kringkastingsorkestret under leiing av Øivind Bergh. Arr.: Egil Monn-Iversen. Gjeven ut på singelen Triola TN 236 og på EP-plata Triola TNEP 1063 i 1961.
• deLillos. Gjeven ut på singelen Sonet T-9620 i 1987. Tekstforfattaren Per Lillo-Stenberg var faren til Lars Lillo-Stenberg i gruppa.

Listeplassering

Versjonen til deLillos låg på VG-lista i ei veke i 1987 med ein tiandeplass som beste plassering.^[4]