Sandsøya i Sande

Sandsøya er ei øy i Sande kommune i Møre og Romsdal. Den største busetnaden på øya er Sandshamn. Like aust for Sandsøya ligg Gurskøy og i sør ligg Kvamsøy. På øya går Fylkesveg 5860 mellom Skare og Helland, med ei sidegrein til ferjekaia på Voksa.^[1]

Sandsøya
Geografi
Stad	Sunnmøre
Koordinatar	62°15′15″N 05°26′45″E
Høgaste punkt	Rinden (369 moh.)
Administrasjon
Land	Noreg
Fylke	Møre og Romsdal
Demografi
Folketal	183

Sandsøya var tidligare delt i to krinsar, Nøre Sandsøy og Søre Sandsøy, som berre er skilde av eit smalt sund. Bru over sundet vart opna i 1939.

Det høgaste punktet på øya er Rinden på 369 meter over havet. Ein finn og fjellformasjonen Dollsteinen med helleren Dollsteinhola, som er omlag 185 meter lang.^[2]

På Sandsøya har det vorte satsa på reiseliv, og ein finn rundt 250 gjestesenger på øya. Det er ein matvarebutikk, som ligg i Sandshamn.

På øya står Sande kyrkje frå 1880. Der har vore kyrkje på Sandsøy sida midten av mellomalderen.^[3] Det finst spor av menneskeleg aktivitet på øya frå langt tilbake i tid, mellom anna er det funne ardfòrer som vitnar om åkerbruk i bronsealderen.^[4]

Folketalsutvikling:

1801[5]	1900[6]	2000[7]	2024[7]
179	396	315	183