Landforma erg

Ein erg (òg sandhav, dynehav eller sandslette om det ikkje er sanddyner) er eit vidt, flatt ørkenområde med vindfaren sand med lite eller ingen vegetasjon.^[1] Uttrykket kjem frå det arabiske ordet ʿarq (عرق), som tyder «dyneslette».^[2] Strengt tatt er ein erg definert som eit ørkenområde med meir enn 125 km² med eolisk eller vindblåst sand^[3] og der sanden dekkjer meir enn 20 % av overflata.^[2] Mindre område vert kalla «sanddynesletter». Den største varme ørkenen i verda, Sahara, dekkjer 9 millionar kvadratkilometer og inneheld fleire ergar, som Chech Erg og Issaouane Erg i Algerie.^[4] Kring 85 % av all sand som flyttar på seg på jorda finst i ergar som er større enn 32 000 km².^[5] Ein finn òg ergar på andre himmellekamar, som Venus, Mars og Saturn-månen Titan.

Issaouane Erg i Algerie.

Sjå òg

• Eolisk prosess
• Hamada
• Yardang