Satan

Satan (hebr. שָׂטָן, 'motstandar') er ei nemning brukt om ein fallen engel i abrahamittiske religionar. I jødedommen er Satan ofte framstilt som ei makt som skal prøva trua til menneskja. I andre religionar har han hovudsakleg rolla som ein demon, ein avgud, rota til alt vondt eller lekamleggjeringa av det vonde.

For ulike førestillingar av eit gjennomført vondt vesen, sjå djevel

Djevelen som illustrasjon i Codex Gigas frå 1200-talet.

I den hebraiske Bibelen er Satan ein engel som Gud bruker til å testa kor trufaste menneskja er til han (til dømes prøven i Jobs bok). I Det nye testamentet er Satan skildra som ein som leier folk til det vonde, og som ein skal motstå til han blir overvunnen.^[1]