Searchin'

«Searchin'» er ein song skriven av Jerry Leiber og Mike Stoller for The Coasters. Songen vart gjeven ut på singel på Atco Records i mars 1957, og toppa R&B-lista i USA i 12 veker. Songen nådde òg tredjeplassen på den nasjonale poplista.^[1]

Searchin' av The Coasters frå albumet The Coasters
A-side	«Young Blood»
Språk	engelsk
Utgjeve	Mars 1957
Innspelt	15. februar 1957
Sjanger	Rock and roll
Lengd	2:36
Selskap	Atco
Komponist	Jerry Leiber, Mike Stoller
Tekstforfattar	Jerry Leiber, Mike Stoller
Låtskrivar(ar)	Jerry Leiber og Mike Stoller
Produsent	Jerry Leiber og Mike Stoller
The Coasters-kronologi
«One Kiss Led to Another» (1956)	Searchin'	«Idol with the Golden Head» (1957)

Sjølv om The Coasters tidlegare hadde gjort det godt på R&B-lista, var et «Searchin'» (i lag med «Young Blood» på den andre sida) som gjorde dei til eit kjent rock and roll band.

Paul McCartney valde «Searchin'» som ein av «Aude øy-platene» sine i 1982. McCartney framførte songen med The Beatles då dei prøvespelte for den 1. januar 1962.^[2]

Songen vart nytta i filmen The Iron Giant frå 1999, musikalen Smokey Joe's Cafe og biografifilmen October Sky i 2009.

Innspeling

Songen vart spelt inn i Los Angeles den 15. februar 1957. Med seg på innspeling hadde The Coasters Mike Stoller (piano og arrangement), Barney Kessell (gitar), Ralph Harrison (bass) og Jesse Sailes (trommer).^[3]

Andre versjonar

Songen er blitt spelt av The Beatles, The Grateful Dead, Skip Battin, The Hollies, The Kingsmen, Wanda Jackson, Billy Lee Riley, Neil Sedaka og The Spencer Davis Group, i tillegg til fleire andre. Jim Croce inkluderte ein versjon av songen i hitten «Chain Gang Medley».

The Muppets spelte songn i den første sesongen av The Muppet Show, medan Buck Owens and the Buckaroos song han på Hee Haw (sesong 6 episode 17). I tillegg vart ein endra versjon av Cheech & Chong nytta i filmen Up in Smoke, der songaren skildrar korleis han leitar etter marihuana, i staden for ei jente.