Sirdal kommune

Sirdal er ein kommune heilt nord i Agder fylke. Sirdal er ein innlandskommune, som grensar i sør mot Flekkefjord, og i aust mot Kvinesdal.

Sirdal kommune
kommune
Kommunevåpen
Land	Noreg
Fylke	Agder
Adm.senter	Tonstad
Areal	1 555 km²
•  land	1 379 km²
•  vatn	176 km²
Folketal	1 902  (1. januar 2025)
Målform	nøytral
Ordførar	Jonny Liland (Ap)
Kommunenr.	4228
Sirdal 58.861944444444°N 6.8133333333333°E / 58.861944444444; 6.8133333333333
Kart som viser Sirdal kommune. Kart som viser Sirdal kommune.
Wikimedia Commons: Sirdal
Nettstad: www.sirdal.kommune.no

Kommunevåpenet viser tre oppflygande ryper i sølv på grøn bakgrunn. Historisk har rypefangst vore ein viktig næringsveg i Sirdal.^[1]

Historie

Namnet «Sirdal» kjem av elva Sira som renn gjennom dalen. Ein sirdøl er ein som bur i Sirdal eller som kjem derifrå.

Sirdal kommune vart opphavleg oppretta i 1849 ved utskiljing frå Bakke formannskapsdistrikt. I 1905 vart kommunen delt i Tonstad kommune og Øvre Sirdal kommune. I 1960 vart Øvre Sirdal kommune, Tonstad kommune og Haughomgrenda slegne saman til Sirdal kommune. Espetveit og Viraksgrenda blei overført frå Flekkefjord kommune i 1987.^[1]

Næringsliv

Sirdal er ein kommune med mykje fjellterreng og store vasskraftressursar. Sira-Kvina kraftselskap har hovudkontor og driftssentral på Tonstad. Tradisjonelt har gardbrukarar frå Jæren kome med sauene sine til Sirdal for å ha dei på sommarbeite. Etter kvart har Sirdal utvikla ei sterk næring retta inn mot turisme. Mange har hytte i kommunen, og det er gode skitilhøve om vinteren. Om sommaren er det mange som går tur i Ryfylkeheiane og Setesdalsheiane.

Media

Nettavisa Sirdølen er lokalavis for Sirdal og dalstroka innanfor.

Bakgrunnsstoff

• Sirdal kommune
• Sira-Kvina kraftselskap
• Sirdalsferie Arkivert 2008-09-15 ved Wayback Machine.
• Sirdal Fjellmuseum Arkivert 2005-01-23 ved Wayback Machine.
• Sirdal Høyfjellshotell