Sitnica

Sitnica (albansk Sitnicë, serbisk skrift Ситница) er ei 90 km lang elv i Kosovo. Ho munnar ut i Ibar ved Kosovska Mitrovica og er den lengste elva som berre renn innanfor grensene til Kosovo.

For andre tydingar av oppslagsordet, sjå Sitnica i Montenegro.

Sitnica (Ситница) Sitnicë
elv
Land	Kosovo
Nedslagsfelt	3 129 km²
Lengd	90 km
Middelvassføring	9,5 m³/s
Kjelde	Sazlija nord for Uroševac
•  høgd	560 moh.
Munning	Ibar ved Kosovska Mitrovica
•  høgd	499 moh.
Sitnica 42.463888888889°N 21.136194444444°E / 42.463888888889; 21.136194444444
Wikimedia Commons: Sitnica

Historie

På 1300-talet, under regjeringstida til kong Milutin, vart det grave ut ein kanal mellom Sazlija og elva Nerodimka. Dette skapte ei kunstig forgreining, og sidan den gong har Nerodimka rend sørover og ut i Lepenac, slik at ho høyrer til nedslagsfeltet til Egearhavet i staden for Svartehavet, som Sitnica og Ibar. Etter den andre verdskrigen vart kanalen dekt med jord igjen.

Geografi

Sitnica spring ut frå Sazlija, nord for byen Uroševac. Sitnica er den største elva på Kosovosletta og renn vest for hovudstaden Pristina. Ho munnar ut i Ibar ved Kosovska Mitrovica med ei middelvassføring på 9,5 m³/s.

Elva er relativt slak og drenerer eit område på 3129 km². Det totale fallet hennar er om lag 60 meter.