Sjy

Sjy (frå fr. jus, ‘saft’) er smakfull saft av kjøtt, fisk eller grønsaker som er kome til gjennom steiking. Sjy kan brukast som saus i seg sjølv, eller danna grunnlag for saus.

Eit mål mat med sjysaus over det heile.

Ei steikjepanne eller steikebrett med sjy kan kokast ut (deglasserast) med vatn, og so smaksset med krydder. Dette gjev ein tyntflytande saus. Sjyen kan også vidareforedlast med ingrediensar som vin, smør, krydder og jamning til talrike saustypar.