Skredhaugen

Skredhaugen er eit friluftsmuseum eit par kilometer nord for Lofthus, i Ullensvang kommune. Museet består av ei samling gamle trehus som er laga i den tradisjonelle stilen som var vanleg i Hardangerbygdene for 100-200 år sidan.

Skredhaugen
Stad	Ullensvang kommune
Skredhaugen 60.349805583333°N 6.6634138916667°E / 60.349805583333; 6.6634138916667

Skredhaugen vart kjøpt av kunstnaren Bernhard Greve i 1918. Etter oppkjøpet flytte han fleire gamle hus hit frå ulike gardar i Sørfjorden og lukkast i å skapa eit naturtru museum. Inni husa finn ein i dag kunstutstillingar, og om lag 2000 gjenstandar frå det gamle Hardanger.

Skredhaugen er i dag ein del av Hardanger og Voss museum. Det er gratis å vitja og sjå på Skredhaugen heile året. Om sommaren kan ein dessutan få guiding rundt om på Skredhaugen.

Kjelder

• Hardanger Folkemuseum si side om Skredhaugen. Arkivert 2007-10-07 ved Wayback Machine.
• Store Norske Leksikon om Bernhard Greve