Skulpe

Skulpe (latin siliqua, silicula) er ein tørr fruktkapsel i krossblomfamilien og nokre få slekter i valmuefamilien. Skulpene er samasett av to fruktblad med ein falsk skiljevegg i midten.

Skulper på judaspengar (Lunaria annua)

Når frøa er mogne, fell skulpeveggane av slik at frøa heng på ramma kring skiljeveggen, og frøa kan spreie seg.

Hos nokre plantar er skulpene omdanna til ei nøttskulpe. Det finst òg leddskulper som brotnar av ledd for ledd.