Klokkelyngslekta

Klokkelyngslekta (Erica, av gresk 'oppreist') er ei planteslekt i lyngfamilien. Ho omfattar eviggrøne buskar eller tre, oftast dvergbuskar med nåleforma, kransstilde blad og nikkande, klokkeforma 4-tals blomar. Krona er raud, gul eller kvit, og blir sitjande på etter blomstringa.^[1]

Klokkelyngslekta
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Lyngordenen Ericales
Familie:	Lyngfamilien Ericaceae
Slekt:	Klokkelyngslekta Erica L., 1753

Slekta omfattar rundt 600 artar, der rundt 550 av dei veks i Kapplandet i Sør-Afrika og 16 i Europa. Lyngtre veks mellom anna i middelhavslanda og på Kanariøyane.^[1]

Nokre artar blir brukt som prydplante, som vårlyng (E. carnea), frynselyng (E. ciliaris) og jule- eller haustlyng (E. gracilis).^[1]

I Noreg veks to artar. Desse plantane er opprett lyng med dunhåra kvister, kransstilte nålforma blad og blomsterklasar i toppen. Dei har mørke begerflikar og poseforma krone.

Norske artar i klokkelyngslekta

• Klokkelyng (Erica tetralix)
• Purpurlyng (Erica cinerea)